Dua yehi hy bahaaron mein musturati rehein,
Falak pe chaand sitaron mein muskurati rehein,
Mehak uthay teri khushboo se zamana sara,
K ban k phool hazaaron mein muskurati rehein,
Adad pe chara rahe tere qalam ka jalwa,
K ban k shama, minaron mein muskurati rehein,
Khuda kare k ho har ek tamanna poori,
K kaamyaabi qataron mein muskurati rehein,
Daraaz umer ho aur khush tumhein Khuda rakhe,
Gham-e-Duniya k in khaaron mein Muskurati rehein,
Hain aap Shama-e-Mehfil, Hain aap Rooh-e-Adab,
Nazar mein dhal k nazaron mein muskurati rehein,
Meri taraf se mubarak ho tumhein Saalgirah,
Sada chaand taaron mein muskurati rehein...
No comments:
Post a Comment